काठमाडौं । स्वास्थ्य तथा जनसङ्ख्या मन्त्रालयले कोरोना भाइरसको सङ्क्रमण बढिरहेकाले भाइरसविरुद्धको खोप लगाउन सबैमा अपिल गरेको छ ।

मन्त्रालयले दैनिक संक्रमण बढिरहेकाले फैलन नदिन पहिलो मात्रा, दोस्रो मात्रा र बुस्टर डोज लगाउन खोप लगाउन आग्रह गरेको हो ।

शून्यमा झरेको कोरोना भाइरसको संक्रमण अहिले दैनिक बढिरहेको छ । शनिबार मात्रै देशभर थप ६४ जनामा संक्रमण पुष्टि भएको थियो ।

काठमाडौं उपत्यकामा १५ आइसोलेशन, आठ सघन उपचार कक्ष (आइसियु) र पाँच जना भेन्टिलेटरमा उपचार गरारहेका छन् ।