काठमाडौं । सहिद स्मारक ‘ए’ डिभिजन लिग फुटबलको सातौं चरण अन्तर्गत आज तीन खेल हुँदैछन् ।

लिग अन्तर्गत आइतबार दशरथ रंगशालामा दुई र एक खेल एन्फा कम्प्लेक्समा हुनेछ ।

त्रिपुरेश्वरस्थित दशरथ रंगशालामा हुने पहिलो खेलमा संकटा क्लव र मच्छिन्द्र फुटबल क्लवबीच प्रतिष्पर्धा हुनेछ । संकटा र मच्छिन्द्रबीचको खेल दिउँसो २ बजे शुरु हुनेछ ।

रंगशालामा हुने दोस्रो खेल रोयल ब्लु सातदोबाटो युथ क्लव र त्रिभुवन आर्मी क्लवबीचको खेल साँझ ५ः४५ बजे शुरु हुनेछ ।

त्यस्तै, एन्फा कम्प्लेक्समा हुने खेलमा हिमालयन शेर्पा र न्युरोड टिम एनआरटी भिड्ने छन् । दुई टोलीबीचको खेल दिउँसो २ बजे शुरु हुनेछ ।