धनगढी । प्रधानमन्त्री पुष्पकमल दाहाल ‘प्रचण्ड’ र नेकपा एमालेका सचिव तथा सुदूरपश्चिम इन्चार्ज लेखराज भट्टबीच भेटवार्ता भएको छ ।

सुदूरपश्चिम विश्वविद्यालयको दिक्षान्त समारोहमा सहभागी हुन धनगढी पुगेका प्रधानमन्त्री प्रचण्ड र एमाले सचिव भट्टबीच भेटवार्ता भएको हो ।

सचिव भट्टले प्रधानमन्त्रीलाई चिया निम्तो दिएको र त्यसलाई स्वीकार गरी प्रचण्ड भट्टको घरमा गएर उनीसँग भेटवार्ता गरेको हुन् ।

भट्ट नेकपा विभाजनका बेला माओवादी केन्द्र छाडेर एमालेमा समाहित भएका थिए।

बिहान बुद्ध एयरको उडानबाट धनगढी आइपुगेका प्रधानमन्त्री प्रचण्ड अब केहीबेरमा महेन्द्रनगर प्रस्थान गर्नेछन्।