एजेन्सी । ट्युनिसियाको दक्षिणपूर्वी तटमा शुक्रबार राति एउटा डुंगा डुब्दा कम्तीमा २० आप्रवासी बेपत्ता भएका छन् ।

सब–सहारा मुलुकका कम्तीमा ३७ आप्रवासी बोकेको उक्त डुंगा शुक्रबार राति स्फ्याक्सको तटबाट युरोपतर्फ प्रस्थान गरेको थियो ।

स्फ्याक्सको कोर्ट अफ फरस्ट इन्स्टेन्सका प्रवक्ता फाउजी मस्मौदीले अहिलेसम्म १७ आप्रवासीको उद्धार गरिएको र बेपत्ताको खोजीकार्य जारी रहेको बताए ।

मध्य भूमध्यसागरमा अवस्थित ट्युनिसिया अवैध आप्रवासीका लागि युरोप जाने मुख्य प्रस्थान विन्दुहरूमध्ये एक हो ।