काठमाडौं । नक्कली श्रम स्वीकृति बनाएर कतार जान खोज्ने एकजना पक्राउ परेका छन् ।

अर्काको श्रम स्वीकृतिको कीर्ते गरी नक्कली श्रम क्युआर कोड बनाएर कतार जान लागेका प्रेमबहादुर नेपाली पक्राउ परेका हुन् ।

विमानस्थल प्रहरीका अनुसार एयर इन्डियाको उडान २१६ बाट शुक्रबार दिल्ली हुँदै कतारको दोहा जान लागेका नेपाली पक्राउ परेका हुन् ।

नवलपरासी घर भएका नेपालीले मोहम्मद शेख नाम गरेका व्यक्तिको श्रम कीर्ते गरेको पाइएको छ । उनी वेटर भिसामा कतार जान लागेका थिए । यसबारे थप अनुसन्धान भइरहेको बताइउको छ ।