गोरखा । प्रधानमन्त्री पुष्पकमल दाहाल ‘प्रचण्ड’ले सरकारको एक सय दिनको कामले देशमा विकास र समृृद्धिको आधार खडा भएको बताएका छन् ।

गोरखा अस्पतालको स्वर्ण जयन्ती समारोहमा सहभागी हुन शुक्रबार गोरखा आएका प्रधानमन्त्री प्रचण्डले यस्तो बताएका हुन् ।

प्रधानमन्त्री प्रचण्डले सरकारको नेतृत्व लिएको १०० दिनसम्म राजनीतिक उतारचढावका कारण काम गर्न नसकेको स्वीकार गरे ।

उनले अब विकास निर्माणसँगै सरकारको अन्य कामले तिव्रता पाउने बताए ।

सरकारले पूर्णता पाइसकेको र राजनीतिक स्थिरता समेत कायम भइसकेकाले अव कामले गति लिने प्रधानमन्त्री प्रचण्डको दाबी छ ।

एक सय दिनमा सामाजिक न्याय, सुशासन र विकास थालनीका लागि थुप्रै काम प्रारम्भिक रुपमा अघि उनको भनाइ छ।