काठमाडौं । नेपाल प्रहरीको साइबर ब्यूरोले सेनाको सर्भरमा अनाधिकृत पहुँच पुर्‍याएको आरोपमा एक जनालाई पक्राउ गरेको छ ।

पक्राउ पर्नेमा स्याङजाको वालिङ नगरपालिका-१० का २१ वर्षीय सागर ढकाल छन् ।

ढकालले विभिन्न समयमा सेनाको साइबर स्पेसमा आक्रमणको प्रयास गरेका थिए।

स्याङ्जाको वालिङ नगरपालिका बाटुलेचौरमा डेरा बस्ने उनले घर धनीको इन्टरनेट प्रयोग गरेर सेनाको सर्भरमा अनधिकृत पहुँच पुर्‍याएको साइबर ब्यूरोले जनाएको छ ।