काठमाडौं । नेपाली कांग्रेसका नेता एवं प्रतिनिधिसभा सदस्य डा. चन्द्र भण्डारीको स्वास्थ्यमा राम्रो सुधार हुँदै गएको छ ।

गत फागुन ३ गते राति आफ्नै निवास बुद्धनगरमा ‘ग्यास लिक’ भएर आगालागीबाट गम्भीर घाइते भएका डा. भण्डारीको स्वास्थ्य पछिल्लो समय राम्रो हुँदै गएको हो ।

गत फागुन ४ गतेदेखि भारतको मुम्बईस्थित नेशनल बर्न सेन्टरमा उपचाररत डा भण्डारीको स्वास्थ्यमा राम्रो सुधार आएको उनी निकट कांग्रेसका नेता माधव न्यौपानेले जानकारी दिए ।

भारतको मुम्बईस्थित बर्न्स अस्पतालमा उपचाररत भण्डारीलाई चिकित्सक र सहयोगीले साथ दिएर हिँडाउन थालेका छन् । बिहीबार उनी अस्पताल परिसरमा केही पाइला हिँडेको भिडिओमा देख्न सकिन्छ । डा. भण्डारीलाई दैनिक तीन/चार पटक हिँडाउने गरिएको छ ।

गएको फागुन पहिलो साता काठमाडौंस्थित निवासमा ग्यास लिक भइ आगलागी हुँदा भण्डारी र उनकी आमा जलेर घाइते भएका थिए। आमाको भोलिपल्ट कीर्तिपुर अस्पतालमा निधन भएको थियो।