मोरङ । मोरङका विभिन्न परीक्षा केन्द्रमा अरुको नाममा नक्कली परीक्षार्थीले दिएको परीक्षा रद्द गरिएको छ । जिल्ला शिक्षा समन्वय इकाइ मोरङले पक्राउ परेका नक्कली परीक्षार्थीहरूले दिएको परीक्षा रद्द गरेको हो ।

एसईई परीक्षाको चौथो र पाँचौँ दिन बुधबार र बिहीबार मोरङका विभिन्न परीक्षा केन्द्रबाट बाट १९९ विद्यार्थी पक्राउ परेका थिए । उनीहरुले अरुको नामा दिएको परीक्षा रद्द भएको जिल्ला शिक्षा समन्वय इकाइ मोरङले जनाएको छ ।

पक्राउ परेका नक्कली परीक्षार्थीहरूले बिहीबारसम्म दिएका पाँच वटा विषयको परीक्षा पनि रद्द गरिएको छ । अब पुनः हुने परीक्षामा सक्कली परीक्षार्थीले पनि सामेल हुन पाउने छैनन् ।

मोरङको झोराहाट, केराबारी र हरैचाबाट १९९ जना आज सामाजिक विषयको परीक्षा दिने नक्कली परीक्षार्थी भेटिएपछि जिल्ला शिक्षा समन्वय इकाईको अनुगमन टोली पक्राउ गरेको थियो ।