काठमाडौं । सरकारले ल्याएको न्यूनतम साझा कार्यक्रममा छ महिनाभित्र प्रदेश प्रहरी समायोजन गर्ने उल्लेख गरिएको छ ।

बिहीबार सार्वजनिक भएको १० दलीय गठबन्धन सरकारको नीति तथा कार्यक्रममा प्रधानमन्त्री पुष्पकमल दाहालले सो कुरा उल्लेख गरेका हुन् ।

सरकारले पूर्णता पाएको छ महिनाभित्र प्रदेश प्रहरी समायोजनको काम पूरा गर्ने न्यूननता साझा कार्यक्रममा उल्लेख छ ।

संघीयता लागू भएको दशक बित्न लाग्दा पनि प्रदेश प्रहरी समायोजन हुन नसकेकोमा प्रदेशहरूले संघीय सरकारले अधिकारलाई केन्द्रीकरण गर्न चाहेको आरोप लगाउँदै आएका छन् ।