काठमाडौं । प्रधानमन्त्री पुष्पकमल दाहाल ‘प्रचण्ड’ले प्रवासी नेपालीलाई सम्बोधन गर्ने भएका छन् ।

माओवादी केन्द्र निकट नेपाली जनप्रगतिशील मञ्च र अखिल भारत नेपाली एकता समाजको संयुक्त आयोजनामा हुने कार्यक्रममार्फत प्रचण्डले आगामी वैशाख १ गते प्रवासी नेपालीलाई सम्बोधन गर्न लागेका हुन् ।

उनले वैशाख १ गते बेलुका ७ बजे जुममार्फत सम्बोधन गर्ने कार्यक्रम तय भएको माओवादी प्रवास समन्वय समिति स्रोतले जनाएको छ ।

सरकारका राम्रा काम स्वदेश तथा विदेशमा रहेका नेपाली समक्ष पुर्‍याउने महत्त्वपूर्ण अवसरको रूपमा लिइएको कार्यक्रममा प्रधानमन्त्रीले विदेशमा रहेका नेपालीका समस्या समेत सुन्ने बताइएको छ ।