काठमाडौं । ‘ए’ डिभिजन क्लब चर्च ब्वाइजको प्रशिक्षक रहेका प्रदीप हुमागाईले राजीनामा दिएका छन्।

श्रम स्विकृति बिना प्रशिक्षक बनेको भन्दै आलोचित बन्दै आएका हुमागाईले सामाजिक सञ्जाल फेसबुकबाट मुख्य प्रशिक्षक छाडेको बताएका छन् ।

नेपाली मूलका अमेरिकन नागरिक हुमागाईंले अमेरिकी नागरिकता भएका कारण नेपालमा प्रशिक्षण गर्न श्रम स्वीकृति (वर्क परमिट) लिनुपर्ने तर यो प्राप्त गर्न नसकेपछि क्लब छाडेको बताएका छन् ।

उनलाई अखिल नेपाल फुटबल (एन्फा) ले गत असोजमा नेपाल र बंगालदेशबीच मैत्रीपूर्ण खेलका लागि नेपालको प्रशिक्षकको जिम्मा दिएको थियो।

जारी लिगमा छैटौँ चरणको खेल सकिँदा नव प्रवेशी क्लब चर्च ब्वाइज १२ अंकका साथ दोस्रो स्थानमा छ ।