काठमाडौं । सरकारले मिटरब्याजी समस्याका विषयमा छानविनका लागि समिति गठन गरेको छ ।

सिंहदरबारमा सोमबार बसेको मन्त्रिपरिषद् बैठकले मिटरब्याजी समस्याका विषयमा छानविन गर्न तीन सदस्यीय समिति गठन गरेको हो ।

सरकारका प्रवक्ता रेखा शर्माका अनुसार समितिमा पूर्वन्यायाधीश गौरी बहादुर कार्कीको संयोजकत्वमा गठित समितिमा पूर्व एआइजी उत्तमराज सुवेदी र गणेशबाबु अर्याल रहेका छन् ।

समितिलाई तीन महिनाको अवधि दिइएको र ठोस र मूर्त रूपमा मिटरब्याजीको समाधानका लागि तत्काल एक्सनमा जाने गरि प्रतिवेदन पेश गर्न भनिएको प्रवक्ता शर्माले बताइन् । समितिको मुख्यालय जनकपुरमा राख्ने निर्णय भएको उनले जानकारी दिइन् ।