एजेन्सी । ‘पठान’ सुपरहिट भएसँगै अभिनेता शाहरुख खानको आउँदो फिल्म ‘जवान’ मा दीपिका पादुकोण पनि देखिने भएकी छन् ।

फिल्मको मुख्य भूमिकामा नभएर उनी केमियामा देखिन लागेकी हुन् ।

‘जवान’ को टिमले अब अप्रिल महिनामा १० दिनसम्म २ वटा गीतको छायांकन गर्नेछ । जवानको पहिलो गीत अप्रिलको पहिलो हप्तामा मुम्बईमा सुट गर्नेछन् ।

पहिलो गीतको छायांकन सकिएपछि शाहरुख अप्रिलको दोस्रो सातामै दोस्रो गीतको सुटिङ थाल्ने बताइएको छ।

मिडिया रिपोर्टका अनुसार दीपिका पादुकोण पनि यस गीतका लागि शाहरुख खानसँग जोडिने भएकी छन्।

२ जुन २०२३ रिलिज मिति तोकिएको फिल्ममा अभिनेता संजय दत्तको पनि केमियो भूमिका रहेको छ ।