काठमाडौं । ललितपुरको महांकालमा मोटरसाइकल दुर्घटना हुँदा श्रीमान-श्रीमतीको मृत्यु भएको छ।

मंगलबार बिहान ११ बजे महांकाल गाउँपालिका वडा नम्बर १ बुखेल रातोपहिरोस्थित भित्री सडकमा दुर्घटना हुँदा २ जनाको घटनास्थलमै मृत्यु भएको जिल्ला प्रहरी कार्यालय ललितपुरले जनाएको छ ।

बुखेलबाट गोटीखेल जाँदै गरेको बा ३९ प ४८९९ नम्बरको मोटरसाइकल अनियन्त्रित भई सडकबाट करिब ४ सय मिटर तल खसेको हो ।

दुर्घटनामा परी मृत्यु हुनेमा मोटरसाइकल चालक ललितपुरकै ललितपुर महांकाल गाउँपालिका १ बुखेल बस्ने ३५ वर्षीय विष्णु प्रसाद फुयाल र पछाडि सवार उनका श्रीमती ३४ वर्षीय सृजना फुयालको मृत्यु भएको हो।

गम्भीर घाइते भएकी मोटरसाइकलमा सवार उनीहरूकी ५ वर्षीया छोरी सृजला फुँयालको भने पाटन अस्पतालमा उपचार भइरहेको प्रहरीले जनाएको छ।