काठमाडौं । कोशी प्रदेश काठमाडौंमा जारी ललितपुर मेयर्स कप महिला टी-२० राष्ट्रिय क्रिकेट प्रतियोगिता २०७९ को फाइनलमा प्रवेश गरेको छ ।

मंगलबार भएको खेलमा मधेश प्रदेशलाई ६२ रनले पराजित गर्दै कोशी फाइनलमा पुगेको हो।

कोशीले दिएको १ सय ६ रनको लक्ष्य पछ्याएको मधेशले २० ओभरमा ९ विकेटको गुमाएर ४३ रन मात्रै बनाउन सक्यो।

कोशीका लागि कप्तान रुविना क्षेत्री, निशा शाह र अलिसा खडियाले २-२ तथा सबनम राईले १ विकेट लिए ।

मधेशका लागि सरस्वती कुमारीले सर्वाधिक १० रनको योगदान गरिन् । अमिशा पटेल, अमिरान निशा र सन्तोषी चौधरीले समान २-२ विकेट हात पारे ।

फाइनल पुगेका कोशी र एपीएफबीचको फाईनल खेल भने चैत १६ गते हुनेछ ।