अर्घाखाँची । नेकपा एमालेका अध्यक्ष केपी शर्मा ओलीले आफूहरुले कम्युनिष्ट पार्टीलाई दुई तिहाइको अवस्थामा पुर्याएको भएपनि जोगाउन नसकेको बताएका छन्।

मिसन ग्रासरुट अभियानअन्तर्गत अर्घाखाँचीमा पुगेका अध्यक्ष ओलीले यस्तो बताएका हुन् ।

उनले भने, ‘अस्ति आफू पछाडि बसेर सरकार बनाउन खोजियो । मति बिग्रेकाको मति सप्रिन्छ कि भनेर मौका दिन खोजियो । तर, हामीले देख्यौं सरकार बनाइदिएको भोलिपल्टबाट मैले हेरें चालमाल ठिक छैन ।’

अध्यक्ष ओलीले नेकपा माओवादी केन्द्रका अध्यक्ष पुष्पकमल दाहाल प्रचण्डलाई सपार्न प्रधानमन्त्री बनाएको भएपनि सफल नभएको बताए।

अध्यक्ष ओलीले आफुहरु सिंहदरबारको मुल ढोकाबाट फेरि सिंहदरबार जाने बताए ।