दाङ । दाङमा प्रहरीले ब्राउन सुगरसहित पाँचजना युवकलाई पक्राउ गरेको छ ।

जिल्लाको गढवा गाउँपालिका ४ स्थित दुखीराम चौधरीको खाली घरमा बसेर लागूऔषध सेवन गरिरहेको अवस्थामा बुधबार बेलुका उनीहरू पक्राउ परेका हुन् ।

गोप्य सूचनाका आधारमा इलाका प्रहरी कार्यालय गढवाका प्रहरी निरीक्षक नविन वलीको नेतृत्वमा खटिएको प्रहरी टोलीले घर खानतलासी गर्दा १० ग्राम ब्राउनसुगरसहित उनीहरुलाई नियन्त्रणमा लिएको हो ।

जिल्ला प्रहरी कार्यालय दाङका अनुसार पक्राउ पर्नेमा घोराही उपमहानगरपालिका १५ का १९ वर्षीय त्रिशक्ती बर्तौला, गढवा–४ का ३५ वर्षीय सद्धाम मनिहार, २४ वर्षीय अनिल पहाडी, २७ वर्षीय प्रदिप चौधरी र २५ वर्षीय मनोज चौधरी छन् ।

उनीहरुलाई नियन्त्रणमा राखेर प्रहरीले थप अनुसन्धान गरिरहेको छ ।