कैलाली । कैलालीको लम्की बहुमुखी क्याम्पसको स्ववियु सभापतिमा नेकपा एमाले सम्बद्ध अनेरास्ववियुकी कल्पना तिमिल्सना विजयी भएकी छन् ।

अन्तिम मतपरिणामअनुसार तिमिल्सना १६२ मतसहित विजयी भएकी हुन् । एनका प्रतिद्धन्द्धी कांग्रेस सम्बद्ध नेविसंघका भावेस उपाध्यायले १०८ मत प्राप्त गरेका छन् ।

सचिवमा पनि अनेरास्ववियु क्रान्तिकारीकी पूजा बिस्ट २४९ मतका साथ विजयी भएकी छन् । कोषाध्यक्षमा नेकपा (एकीकृत समाजवादी) पार्टी निकट अनेरास्ववियूकी नियुसा खनाल विजयी भइन् ।

खनालले २९९ मत पाएकी छन् । सदस्यहरुमा मनीषा भुल, प्रदीप प्रसाद न्यौपाने, प्रकाश धमला, टीका बिसी र सुनिल नेपाली विजयी भएका छन् ।