काठमाडौं । शहीद स्मारक ‘ए’ डिभिजन लिगमा साविक विजेता मछिन्द्र र चर्च ब्वाइज युनाइटेडले गोलरहित बराबरी खेल्दै अंक बाँडेका छन् ।

जारी लिगमा चर्च ब्वाइज र मछिन्द्र दुवैको यो दोस्रो बराबरी हो ।

च्यासल मैदानमा शुक्रबार भएको ए डिभिजन च्याम्पियन मछिन्द्र र बी डिभिजन च्याम्पियन चर्च ब्वाइजबीचको भिडन्तमा दुवै टोलीले गोल गर्न सकेनन् ।

खेलमा दुवै टोलीले गोलका केही अवसर पाए पनि सदुपयोग गर्न सकेनन् ।

चर्च ब्वाइजले ५ खेलबाट ११ अंक र मछिन्द्रले ५ खेलबाट ५ अंक जोडेका छन् ।