काठमाडौं । एपीएफ क्लबले नयाँ सिजनको सहिद स्मारक ‘ए’ डिभिजन लिग फुटबलमा दोस्रो जित निकालेको छ ।

च्यासल मैदानमा बुधबार अर्को विभागीय टोली त्रिभुवन आर्मी क्लबलाई १-० गोल अन्तरले हराउँदै एपीएफले दोस्रो जित निकालेको हो ।

एपीएफको जितमा खेलको ३६औं मिनेटमा मणि कुमार लामाले गरेको गोलनै खेलको निर्णायक गोल बनेको थियो ।

जारी लिगमा एपीएफको यो दोस्रो जित हो । यो खेलपछि एपीएफको र खेलमा २ जित, एक बराबरी र एक हारसहित ७ अंक भएको छ ।

आर्मीको यो पहिलो हार हो । आर्मीले ४ खेलमा ५ अंक जोडेको छ ।