सप्तरी । सप्तरी जिल्ला अदालतले बालिका बलात्कारको आरोप लागेका चन्दनकुमार साहलाई जन्मकैदको फैसला सुनाएको छ ।

जिल्ला न्यायधीश हर्कबहादुर क्षेत्रीको इजलाशले डाक्नेश्वरी नगरपालिका–३ हटेलका १९ वर्षीय साहलाई जन्मकैदको फैसला सुनाएको हो ।

साह राजविराज कारागारको थुनामा थिए ।

यस्तै अदालतका सूचना अधिकारी भरत पोखरेलका अनुसार अर्को बलात्कार घटनामा संलग्न डाक्नेश्वरी नगरपालिका–८ का ३० वर्षीय सुन्दर मुखियालाई सात वर्ष कैद सजाय सुनाइएको छ ।