काठमाडौं । चाइना काउन्सिल फर प्रमोसन अफ इन्टरनेशनल ट्रेडका उपाध्यक्ष झाङ साओगाङ चार दिने नेपाल भ्रमणमा आउने भएको छ ।

नेपालस्थित चिनियाँ दूतावासले जारी गरेको विज्ञप्तिअनुसार झाङ आज काठमाडौं आउन लागेका हुन् । उपाध्यक्ष झाङ नेपाल उद्योग परिसंघको निमन्त्रणामा नेपाल आउन लागेका हुन् ।

नेपालमा रहँदा उनले चीन–नेपाल व्यापारसँग सम्बन्धित विभिन्न कार्यक्रममा सहभागिता जनाउने छन् ।

भ्रमणका क्रममा उनले सरकारका विशिष्ट अधिकारीहरूलाई पनि भेट्ने कार्यक्रम रहेको दूतावासले जनाएको छ ।