काठमाडौं । जनमत पार्टीका अध्यक्ष सिके राउतले उपराष्ट्रपतिका लागि गठबन्धन दलमा सहमति नभए मित्रवत् प्रतिस्पर्धा हुने बताएका छन् ।

अध्यक्ष राउतले सत्तारुढ दलहरुबीच साझा उम्मेदवारमा सहमति नभए आफ्नो पार्टीले चैत ३ गते हुने उपराष्ट्रपतिको निर्वाचनमा मित्रवत् प्रतिस्पर्धा गर्ने बताएका हुन् ।

उनले भने, ‘सहमति नभए हामी मित्रवत् प्रतिस्पर्धा गर्छौँ । गठबन्धनमा पनि कुरा राखिसकेका छौँ । भोलिसम्म सहमति जुट्नेमा विश्वस्त छौँ । हाम्रो बटमलाइन मित्रवत् प्रतिस्पर्धा नै हुन्छ ।’

सत्तारुढ दलहरुबीच शनिबार बिहान बसेको बैठकमा भएको सहमति अनुसार नै गठबन्धनबाट तीन जनाको उम्मेदवार दर्ता भएको पनि दाबी गरे ।