काठमाडौं । माओवादी धारका नेताहरूले पहिलो चरणका कार्यक्रम सकिएपछि दोस्रो चरणमा सडक सङ्घर्षका कार्यक्रम समेत ल्याउने तयारी गरेका छन् ।

प्रधानमन्त्री निवास बालुवाटारमा आठ माओवादी धारका दलहरूको बैठकले पहिलो चरणको कार्यक्रम फागुनभित्र सक्ने तयारी गरेका हो ।

बैठकले फागुन २८ गते संयुक्त पत्रकार सम्मेलन र ३० गते सङ्क्रमणकालीन न्यायका सम्बन्धमा अन्तर्क्रिया गर्ने निर्णय भएको छ । साथै माओवादी धारका आठ दलका तर्फबाट संयुक्त अपिल समेत गर्ने निर्णय भएको छ ।

सङ्क्रमणकालीन न्यायका विषयमा सबै माओवादी एक भएर जाने रणनीति बनाएका छन् । यस विषयमा सबै माओवादी धारबीच कार्यगत एकता गरेर सशक्त रूपमा दबाब दिने तयारी गरिएको छ ।