रूपन्देही । रूपन्देहीको भैरहवाबाट साढे दुई किलो चरेससहित महिला पक्राउ परेकी छन् ।

पक्राउ पर्नेमा बाग्लुङको निसिखोला गाउँपालिका वडा नम्बर ६ बस्ने ३६ वर्षीया लालसरा घर्ती रहेकी छिन् ।

जिल्ला प्रहरी कार्यालय रूपन्देहीका अनुसार सिद्धार्थनगर नगरपालिका वडा नम्बर १ बेलहिया बसपार्कबाट बुधबार साँझ ८ बजेतिर सुनौलीतर्फ जाँदै गरेकी घर्तीलाई लागुऔषधसहित पक्राउ गरिएको हो ।

शंकास्पद रूपमा हिँडिरहेकी घर्तीलाई रोकी सोधपुछ र चेक गर्दा उनको साथबाट साढे दुई किलो चरेस बरामद गरिएको जिल्ला प्रहरी कार्यालय रूपन्देहीले जनाएको छ । घर्तीमाथि अनुसन्धान भइरहेको बताइएको छ ।