काठमाडौं । अन्तराष्ट्रिय नारी दिवसका अवसरमा ए डिभिजन लिग महिला दर्शकलाई निशुल्क गरिएको छ ।

लिगको आर्थिक स्वामित्व लिएको एमडीएसी स्पोर्टसले बुधबार हुने लिगको खेलहरु महिला दर्शकका लागि साधारण प्यारापिटतर्फ प्रवेश निःशुल्क गरिएको जनाएको हो ।

लिगमा आज च्यासल र दशरथ गरी दुई रंगशालामा तीन खेलहरु हुँदैछन् ।

दिउँसो २ः३० बजे च्यासलमा सशस्त्र प्रहरी बलको एपीएफ क्लब र सातदोबाटो युथ क्लबबीच प्रतिस्पर्धा हुनेछ ।

सोही समयमा दशरथ रंगशालामा नेपाल पुलिस क्लब र हिमालयन शेर्पाबीच प्रतिस्पर्धा हुनेछ । यस्तै, साँझ ५ः३० बजे मनाङ मर्स्याङ्दी क्लब र संकटा क्लबबीच खेल हुनेछ ।