काठमाडौं । आईसीसी विश्वकप लिग–२ अन्तर्गत यूएईमा भएको त्रिकोणात्मक शृंखला खेलेर नेपाली राष्ट्रिय क्रिकेट टोली स्वदेश फर्किएको छ ।

यूएई गएको नेपाली टोली मंगलबार साँझ स्वदेश फर्किएको हो । यूएई भ्रमणका क्रममा नेपालले खेलेको चारमध्ये तीन खेलमा जित हात पारेको थियो ।

नेपालले पपुवा न्युगिनी र घरेलु टोली यूएईसँग समान २र२ खेल खेलेको थियो । जसमा पपुवा न्युगिनीसँगका दुवै खेल जितेको थियो भने यूएईसँगको पहिलो खेल हारेको थियो ।

नेपालले पपुवा न्युगिनी र यूएईसँग नै घरेलु मैदानमा आईसीसी विश्वकप लिग–२ अन्तर्गतको अन्तिम सिरिज फागुन २५ गतेबाट खेल्दैछ । नेपालसँगै यूएई पनि नेपालमा हुने सिरिजका लागि आज नै नेपाल आएको छ ।