काठमाडौं । आसन्न राष्ट्रपति र उपराष्ट्रपति निर्वाचनबारे छलफल गर्न आठ दलीय गठबन्धन बैठक बस्ने भएको छ । ।

नेपाली कांग्रेस संसदीय दलको कार्यालयमा दिउँसो २ बजे आठदलीय गठबन्धन कार्यदलको बैठक बस्न लागेको हो ।

बैठकमा आसन्न राष्ट्रपति र उपराष्ट्रपति निर्वाचनबारे छलफल हुने बताइएको छ । यसैगरी बैठकले शक्ति बाँडफाँटको विषयमा समेत छलफल हुनेछ।

कांग्रेस उपसभापति पूर्णबहादुर खड्का नेतृत्वको कार्यदलमा ८ दलका दोस्रो तहका नेताहरू सहभागी छन् ।

गठबन्धनमा कांग्रेस र माओवादीसहित नेकपा एस, जसपा, जनमत, लोसपा, नागरिक उन्मुक्ति पार्टी र राष्ट्रिय जनमोर्चा छन् ।

राष्ट्रपति र उपराष्ट्रपति निर्वाचनमा लगाइएको आचारसंहिता निष्क्रिय हुने बित्तिकै मन्त्रिपरिषद्लाई पूर्णता दिने तयारी छ ।