काठमाडौं । सातदोबाटो युथ क्लबले नयाँ सिजनको सहिद स्मारक ‘ए’ डिभिजन लिग फुटबलमा विजयी सुरुआत गरेको छ ।

आइतबार च्यासल रंगशालामा सम्पन्न खेलमा न्युरोड टिम एनआरटीलाई २-१ गोल अन्तरले हराउँदै सातदोबाटोले सुखद सुरुआत गरेको छ ।

सातदोबाटोको जितमा दुवै गोल दीपकराजले गरे । न्युरोडका निकोलस सङले एक गोल गरेका थिए ।

खेलको ४५ औं मिनेटमा दीपकले गोल गर्दै सातदोबाटोलाई अग्रता दिलाएका थिए । तर, पहिलो हाफकै इन्जुरी समयमा सङले गोल गर्दै एनआरटीलाई खेलमा फर्काएका थिए ।

जितसँगै तीन अंक जोडेको सातदोबाटो चौथौ स्थानमा छ ।