एजेन्सी । भारतको राजधानी दिल्लीका उपमुख्यमन्त्री पदबाट राजीनामा दिएका मनीष सिसोदियाले राउस एभिन्यू अदालतमा जमानतको निवेदन दिएका छन् ।

निवेदनको सुनुवाइ आज अर्थात शनिबार हुने भएको हो । सिसोदिया हाल सीबीआई हिरासतमा छन्। हालै सिसोदियालाई कथित रक्सी घोटालाको आरोपमा पक्राउ गरिएको थियो।

सिसोदियाले आफ्नो निवेदनमा आफूले अनुसन्धानमा सहयोग गरिरहेको र सबै कुरा पहिले जफत भइसकेकाले हिरासतमा नराख्दा कुनै नोक्सान नहुने बताएका छन् ।

सिसोदियाको पाँच दिनको हिरासत शनिबार सकिँदैछ। यस्तो अवस्थामा सिसोदियाले राहत पाउने छन् कि थप कठिनाइ बढ्ने भन्ने निर्णय आज हुनेछ । यसअघि सिसोदियाका तर्फबाट सर्वोच्च अदालतमा निवेदन दायर गरिएको थियो ।