एजेन्सी । भारतीय अभिनेता शाहरुख खानकी श्रीमती गौरी खानविरुद्ध उजुरी दर्ता भएको छ ।

भारतीय सञ्चार माध्यमका अनुसार लखनउमा एक व्यक्तिले गौरीसहित ३ जनाविरुद्ध उजुरी दर्ता गरेका हुन् । गौरीविरुद्ध आईपीसीको धारा ४०९ अन्तर्गत मुद्दा दर्ता गरिएको छ।

गौरीले पैसा हिनामिना गरेको आरोप लगाउँदै शाहले प्रहरी चौकीमा उजुरी दिएका छन् ।

गौरीको ब्रान्ड एम्बेसडर रहेको कम्पनी (तुल्स्यानी कन्स्ट्रक्सन एन्ड डेभलपर्स लिमिटेड) ले ८६ लाख रुपैयाँ लिए पनि अहिलेसम्म फ्ल्याट नदिएको मुम्बईका जसवन्त शाह नामका व्यक्तिले आरोप लगाएका छन् ।

कम्पनीले धोका नदिने विश्वासमा आफूले घरका लागि पैसा तिरेको उनले बताएका छन्। ८६ लाख रुपैयाँ तिर्दा समेत दिने भनिएको अपार्टमेन्ट नदिएर ठगी गरेको भन्दै गौरीविरुद्ध मुद्दा हालेका हुन्।