चितवन । भरतपुर महानगरपालिका-१० कालिका चोकमा एक युवती मृत फेला परेकी छिन् । भारतको आसाम घर भई भरतपुर बस्दै आएकी १९ वर्षीया सुनिता देवी मृत अवस्थामा भेटिएकी हुन् ।

उनी बस्दै आएको घरमा झुण्डिएको र उनका साथीहरुले पासो काटेको अवस्थामा मृत भेटिएको जिल्ला प्रहरी कार्यालय चितवनले बतायो । तीन जना युवतीले बस्नका लागि एक घरको फ्ल्याट भाडामा लिएका थिए ।

सो फ्ल्याटमा २ जना युवती र २ युवक बुधबार राति सँगसँगै बसेको र उनीहरुका बीचमा झैझगडा हुँदा एक युवती झुण्डिएको प्रहरीले जनाएको छ ।

घटनामा सँगै रहेका तीन जनालाई प्रहरीले पक्राउ गरेर आवश्यक अनुसन्धान गरिरहेको छ ।मृतकको शव पोष्टमार्टमका लागि भरतपुर अस्पतालमा राखिएको छ ।