एजेन्सी । एभर्टनमाथि गोल वर्षा गर्दै आर्सनलले प्रिमियर लिगको शीर्ष स्थानमा पाँच अंकको अग्रता बनाएको छ ।

बुधबार राति आर्सनलले एभर्टनलाई ४–० गोलले पराजित गरेको हो । आर्सनलको जीतमा ग्याब्रिएल मार्टिनेलीले दुई तथा बुकायो साका र मार्टिन ओडेगार्डले एक–एक गोल गरे ।

जीतसँगै २५ खेलबाट आर्सनलको ६० अंक रहेको छ । यस्तै लिभरपुलले वुल्भरह्याम्पटन वाडरर्सलाई २–० गोलले पराजित गरेको छ ।

लिभरपुलले दुवै गोल खेलको दोस्रो हाफमा गरेको थियो । २४ खेलबाट ३९ अंक बटुल्दै लिभरपुल लिगको छैटौँ स्थानमा उक्लिएको छ ।