धनुषा । धनुषामा प्रहरीको भ्यानबाट हाम फालेर हतकडीसहित फरार बलात्कार आरोपी थुनुवा सबैला नगरपालिका–१३ किरतपुरका २८ वर्षीय राजाबाबु मुखिया पक्राउ परेका छन् ।

जिल्ला प्रहरी कार्यालय धनुषा र प्रदेश प्रहरी कार्यालयको संयुक्त टोलीले मुखियालाई सीमावर्ती क्षेत्रबाट आज बिहान पक्राउ गरेको हो ।

उनलाई बिहान जिल्ला प्रहरी कार्यालय लगिएको छ ।

आइतबार जिल्ला अदालत धनुषाबाट ७ दिनको म्याद थप गरी इलाका प्रहरी कार्यालय सबैला फर्किदै गर्दा साँझ साढे ७ बजे यदुकुहास्थित कमला नहर नजिक भ्यानबाट हामफालेर भागेका थिए ।