काठमाडौं । आईसीसी यू–१९ विश्वकप एसियाली क्षेत्रको छनोटमा नेपालले आज मलेसियासँग खेल्दैछ ।

नेपाल र मलेसियाबीचको खेल यूएईस्थित मलेक क्रिकेट मैदान आजमानमा बिहान पौने ११ बजे सुरु हुनेछ । जारी प्रतियोगितामा नेपाल लगातार चौथो जितको खोजीमा छ ।

नेपालले यसअघि सिंगापुर, कुवेत र हङकङविरुद्ध सहज जित निकालिसकेको छ । नेपाल अहिले तीन खेलबाट ६ अंक जोड्दै तालिकाको दोस्रो स्थानमा छ । समान खेलबाट ६ अंक बटुलेको यूएई शीर्ष स्थानमा छ ।

मलेसियाले भने तीन म्याच खेल्दा एक खेलमा मात्र जित निकालेको छ । ६ राष्ट्र सम्मिलत छनोट खेलको शीर्ष स्थानमा रहने टिमले सन् २०२४ मा श्रीलंकामा हुने विश्वकप खेल्ने अवसर पाउनेछ ।