काठमाडौं । प्रधानमन्त्री पुष्पकमल दाहाल ‘प्रचण्ड’ नेतृत्वको सरकारको प्रमुख साझेदार नेकपा एमालेले सरकार छाडेको छ ।
१० पुसमा प्रधानमन्त्री नियुक्त भएका प्रचण्डले परराष्ट्रमन्त्री विमला राई पौड्यालको विदेश भ्रमण रोकिदिएपछि एमालेले अपर्झट सरकार छाड्ने निर्णय गरेको हो ।
आइतवार राष्ट्रसंघीय मानव अधिकार परिषद्को बैठकमा सहभागी हुन जेनेभा जान लागेकी मन्त्री राइलाई हिजो प्रधानमन्त्रीले रोकेका थिए । प्रधानमन्त्री प्रचण्डले शपथ लिएकै दिन पुस ११ गते एमाले सरकारमा सहभागि भएको थियो ।
उपप्रधानम एवं अर्थमन्त्री विष्णु पौडेल लगायत मन्त्रीले आजै प्रधानमन्त्रीलाई भेटेर राजीनामा दिने तयारी गरेका छन् । एमालेको संसदमा ७८ सांसद छन्।
आइतबार राप्रपाले पनि सरकार छोड्दै सरकारलाई दिएको समर्थन फिर्ता लिइसकेको छ। प्रचण्ड १० पुसमा १६९ सांसदको समर्थनमा प्रधानमन्त्री चयन चयन भएका थिए । २६ पुसमा उनलाई कांग्रेससहित दलले विश्वाससको मत दिँदा २६८ सांसदको समर्थन पाएका थिए ।
अब प्रधानमन्त्री पुष्पकमल दाहाल ‘प्रचण्ड’ले ३० दिनभित्र विश्वासको मत लिनुपर्ने भएको छ ।
Leave a Reply