काठमाडौं । अभिनेता पूर्णविक्रम (पल) शाह जेलबाट छुटेका छन् । बलात्कारको आरोप लागेका शाहमाथि अभियोग दाबी नपुग्ने ठहरसहित उच्च अदालत पोखराले उनलाई आइतबार सफाइ दिएको थियो ।

उनी तनहुँ कारागारबाट आवश्यक प्रक्रिया गरेर छुटेका हुन् ।

यसअघि तनहुँ र नवलपुर अदालतले शाहलाई बलात्कार मुद्दामा सफाइ दिएका थिए। तर, नवलपुर जिल्ला अदालतले भने बाल यौन दुर्व्यवहारमा भने दोषी ठहर गर्दै साढे २ वर्ष कैदको सजाय सुनाएको थियो।

तर, उच्चले बाल यौन दुर्व्यवहारमासमेत उनलाई सफाइ दिइएको हो।