काठमाडौं । अभिनेता पल शाहले उच्च अदालत पोखराबाट जबरजस्तीकरणीको अभियोगमा पूर्ण सफाइ पाएसँगै नायिका पूजा शर्माले खुसी व्यक्त गरेकी छिन् ।

पलको तस्विर फेसबु्कमा पोस्ट गर्दै उनले पानी परेसँगै सबै फोहोर पखालिएको टिप्पणी गरेकी हुन् ।

उनले पलले सफाइ पाएसँगै अब सबै कुरा सुन्दर भएर आएको उल्लेख गरेकी छन्। उनले भनेकी छन्, ‘आज पानी पर्‍यो, सबै फोहोर पखालियो। मेरो साथी पलले सफाइ पायो। अब सबै कुरा सुन्दर भएर आयो। धन्य भगवान्।’

उच्च अदालत पोखराले आज उनीमाथिको अभियोग दाबी नपुग्ने ठहरसहित सफाइ फैसला गरेको थियो । उच्च अदालतले नवलपुरको फैसला उल्टाउँदै शाहलाई पूर्ण सफाइ दिएसँगै अब उनी रिहा हुनेछन् ।