काठमाडौं । दक्षिण अफ्रिकाले जारी रहेको आठौं संस्करणको महिला टी-ट्वान्टी विश्वकप क्रिकेटको फाईनलमा खेल आज हुदैछ ।

आईतबार हुने फाईनलमा साबिकको विजेता अष्ट्रेलिया र आयोजक दक्षिण अफ्रिकाबीचमा खेल हुदैछ । नेपाली समयअनुसार खेल साँझ ६ः४५ बाट सुरु हुनेछ ।

केपटाउनमा छैटौं पटक च्याम्पियन बन्ने लक्ष्य लिएको अष्ट्रेलियाले समूह चरणमा दक्षिण अफ्रिकालाई ६ विकेटले पराजित गरेको थियो ।

दक्षिण अफ्रिका पहिलो पटक कुनै पनि विश्वकपको फाइनलमा पुगेको हो। अस्ट्रेलिया र दक्षिण अफ्रिका पहिलो पटक विश्वकपको फाइनल खेल्न लागेका हुन्।