काठमाडौं । अभिनेता पल शाहले जिल्ला अदालत नवलपुरको फैसलाविरुद्ध दिएको रिट निवेदनमा आज सुनुवाइ हुँदैछ ।

उनले आफूलाई सफाइ माग गर्दै उच्च अदालत पोखरामा दिएको रिट निवेदनमा आज सुनुवाइ हुन लागेको हो ।

नाबालिगलाई जबर्जस्ती करणी गरेको मुद्दामा सफाइ दिए पनि जिल्ला अदालत नवलपुरले बाल यौन दुरुपयोग कसुरमा पलविरुद्ध साढे २ वर्षको कैद सजाय सुनाएको छ।

सो फैसलाविरुद्ध सफाइ पाउनुपर्ने माग गर्दै पलले उच्च अदालतमा पुनरावेदन गरेका हुन् । हाल पल शाह तनहुँ जिल्ला कारागारमा छन् ।