एजेन्सी । हिन्दी सिनेमाका ख्यातिप्राप्त अभिनेता अक्षय कुमारले क्यानडाको नागरिकता त्याग्ने निर्णय गरेका छन् ।

हालै अक्षयले भारतीय सञ्चार माध्यमसँगको अन्तर्वार्तामा आफ्नो लागि भारत नै सबै थोक भएको बताएका छन् ।

उनीसँग क्यानडाको नागरिकता थियो। क्यानडाका नागरिक भएको कारण उनी सामाजिक सञ्जालमा ट्रोल भइरहन्थे।

अक्षयले उक्त अन्तर्वार्तामा आफूले क्यानडाको नागरिकता त्याग्ने निर्णय गरेको र भारतीय राहदानीका आवेदन दिएको बताएका छन् । उनले आफ्नो राहदानी बदलेर भारतीय राहदानीका लागि निवेदन दिएका छन् ।

भारतीय सञ्चार माध्यमका अनुसार अक्षयको करिब १४-१५ फिल्मले राम्रो व्यापार नगरेपछि साथी क्यानडामा भएका कारण आफू कामका लागि क्यानडामा गएको र त्यहाँको नागरिकताको लागि आवेदन दिएका थिए ।

उनी अभिनीत फिल्म ‘सेल्फी’ शुक्रबारदेखि प्रदर्शनमा आएको छ। राज मेहताले निर्देशक गरेको फिल्म ‘सेल्फी’ मा अक्षयसँगै इमरान हाशमी, नुरत भरूचा, मृणाल ठाकुरलगायत कलाकारको अभिनय छ।