काठमाडौं । प्रधानमन्त्री पुष्पकमल दाहाल ‘प्रचण्ड’ले पाँचदलीय गठबन्धन बिउँताउनेबारे छलफल भइरहेको बताएका छन् ।

सिंहदरबारमा नेकपा एकीकृत समाजवादीका अध्यक्ष माधव नेपालसँगको भेटपछि प्रधानमन्त्री प्रचण्डले यस्तो बताएका हुन् ।

उनले भने, ‘अहिले टुंगो लागेको छैन।राष्ट्रपतिको उम्मेदवार १३ गतेसम्म टुंगो लागिहाल्छ नि ।’ उनले पाँचदलीय गठबन्धन ब्युँताउने सहमति भइनसकेको बताए ।

२५ गते हुने राष्ट्रपतिको निर्वाचनका लागि १३ गते मनोनयन दर्ता गर्ने कार्यतालिका छ।

उक्त भेटवार्तामा माओवादीका तर्फबाट उपप्रधानमन्त्री प्रचण्ड नेता नारायणकाजी श्रेष्ठ र एकीकृक समाजवादीबाट घनश्याम भुसाल पनि सहभागी थिए।