काठमाडौं। काठमाडौं उपत्यका अपराध अनुसन्धान कार्यालयले कर्तव्य ज्यान मुद्दाका एक फरार अभियुक्तलाई पक्राउ गरेको छ ।

कार्यालयबाट खटिएको प्रहरी टोलीले रौतहटको गरुडा नगरपालिका ९ का शिवकुमार यादवलाई पक्राउ गरेको हो ।

यादवमाथि सोही ठाउँ बस्ने छविलाल साहको हत्या गरेको आरोप छ । शाहलाई यादव लगायतका व्यक्तिहरुले गत असोज २६ गते गरुडा–९ सिसवास्थित सार्वजनिक सडकमा कुटपिट गरेका थिए ।

कुटपिटबाट घाइते भएका शाहको उपचारका क्रममा नारायणी बयोधा शिक्षण अस्पतालमा उपचारका क्रममा कातिक १८ गते मृत्यु भएको थियो ।

मंगलबार ललितपुरको ग्वार्कोबाट पक्राउ परेका यादवलाई कानुनी कारवाहीका लागि रौतहटस्थित इलाका प्रहरी कार्यालय गरुडा पठाइएको छ ।