काठमाडौं । स्पेनिस क्लब रियल मड्रिडले इंग्लिस क्लब लिभरपुलमाथि सानदार जित हासिल गरेको छ ।

युइएफए च्याम्पियन्स लिगको प्रिक्वार्टरफाइनलको पहिलो लेगमा रियलले घरेलु टोली लिभरपुलमाथि ५–२ गोलको जित दर्ता गरेको हो ।

रियलको सानदार जितका लागि भिनिसियस जुनियर र कप्तान करिम बेञ्जेमाले समान २–२ गोल गरे । यस्तै, एडर मिलिसाओले १ गोल गरे ।

लिभरपुलका डार्विन नुनेज र मोहम्मद सलाहले १–१ गोल गरे । यो जितसँगै रियलले लिभरपुलसँगको अपराजित यात्राको शीलशीलालाई ६ खेलसम्म पुर्‍याएको छ।