एजेन्सी । भारतीय गायक सोनु निगममाथि मुम्बईको एक सांगीतिक कार्यक्रममा आक्रमण भएको छ ।

गएराति मुम्बईको चेम्बुरमा आयोजित कन्सर्टमा सोनु र उनको टोलीमाथि आक्रमण भएको हो ।

सामाजिक सञ्जालमा एउटा भिडियो भाइरल भइरहेको छ, जसमा सोनुको टोलीका एक व्यक्तिलाई स्टेजबाट तल धकेलिएको देख्न सकिन्छ ।

सोनुले प्रस्तुति दिइरहेको बेला शिव सेना पार्टीका एक विधायकले आक्रमण गरेको र उनका अंगरक्षकलाई सिंढीबाट तल धकेलेका थिए । त्यसपछि घटनाबारे उजुरी दिन सोनु प्रहरी कार्यालयमा पुगेका थिए ।

त्यसपछि उनी मुम्बई विमानस्थलबाट दिल्ली आएको बताइएको छ । बलिउड हंगामाले भने आक्रमणपछि चोटपटक लागेकाले सोनुलाई अस्पताल पुर्‍याइएको जनाएको छ । ती विधायकका छोराको सोनुसँग सेल्फी खिच्ने इच्छा पूरा हुन नपाएपछि स्टेजमा आक्रमण गरेका थिए ।