काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालबीच भेटवार्ता भएको छ ।

माओवादी केन्द्रको संसदीय दल कार्यालय सिंहरदबारमा दुई नेताबीच छलफल भएको हो ।

माओवादी संसदीय दलको कार्यालयमा जारी भेटमा राष्ट्रपतिको विषयबारे छलफल हुने बताइएको छ ।

सिंहरदबार स्रोतका अनुसार दुई नेताहरुबीच आसन्न राष्ट्रपति निर्वाचनका विषयमा छलफल भैरहेको छ ।

पदाधिकारी बैठकमा जानुअघि प्रधानमन्त्री प्रचण्डले अध्यक्ष नेपालसँग कुराकानी गरेका हुन्।

यसअघि प्रधनमन्त्री प्रचण्डसँग आइतबार बेलुकी प्रमुख प्रतिपक्षी नेपाली कांग्रेसका सभापति शेरबहादुर देउवासहितका शीर्ष नेताहरुले भेटवार्ता गरेका थिए।