काठमाडौं । जनता समाजवादी पार्टी (जसपा)ले चैतमा विधान अधिवेशन गर्ने तयारी गरेको छ।

पार्टीको कार्यकारिणी समितिको बैठकले विधान अधिवेशन चैतको २७, २८ र २९ गते गर्ने निर्णय गरेको हो।

अध्यक्ष उपेन्द्र यादवको नेतृत्वमा गठन भएको विधान संशोधन मस्यौदा समितिले काम गरिरहेको र उक्त समितिले अधिवेशनअघि प्रतिवेदन तयार गर्ने जनाईएको छ ।

आइतबार कार्यकारिणी समिति बैठक बसेको थियो। समसामयिक राजनीतिक घटनाक्रम, राष्ट्रपति, उपराष्ट्रपति चुनाव, विधान अधिवेशन, विभिन्न पार्टीसँग गर्न लागेको एकीकरण वा मोर्चालगायत विषयमा पनि बैठकमा छलफल भएको थियो।