काठमाडौं । आईसीसी विश्वकप क्रिकेट लिग-२ अन्तर्गत काठमाडौंमा जारी त्रिकोणात्मक एक दिवसीय श्रृंखलामा सोमबार नामिबिया र स्कटल्याण्ड भिड्ने भएका छन् ।

खेल कीर्तिपुरस्थित त्रिवि क्रिकेट मैदानमा बिहान ९ बजे सुरु हुनेछ । जारी त्रिकोणात्मक सिरिजमा नामिबिया पहिलो जितको खोजीमा छ।

यसअघि खेलेका तीनवटै खेलमा हार बेहोरेको नामिबिया स्कटल्याण्डलाई हराएर नेपाल भ्रमणको सुखद् अन्त्य गर्ने पक्षमा छ ।

नामिबियाले नेपालसँगका २ वटै खेलमा पराजय भोग्यो । यस्तै, स्कटल्याण्डसँगको यसअघि खेलमा पनि १० विकेटले पराजित भएको थियो । किर्तीपुरमा जारी श्रृंखलामा नामिबियाले नेपालसँग दुई तथा स्कटल्याण्डसँगको एक खेलमा पराजित भइसकेको छ ।