काठमाडौं । खाना पकाउने ग्यास सिलिन्डर विस्फोटमा घाइते नेपाली कांग्रेसका सांसद चन्द्र भण्डारीलाई थप उपचारका लागि भारतको मुम्बइ लैजाने तयारी भएको छ ।

कीर्तिपुरमा रहेको बर्न अस्पतालले सुविधा सम्पन्न अस्पतालमा लैजान सिफारिश गरेअनुसार उनलाई मुम्बइ लैजान लागिएको हो ।

केही प्रक्रिया पूरा गरेर आजै मुम्बई लैजाने तयारी रहेको स्वास्थ्यमन्त्री पदम गिरीले बताए । उनले भारतमा उपचार गराउन लैजाँदा नेता भण्डारीको स्वास्थ्यमा सुधार आउने अपेक्षा गरेको उनले बताए ।

उनले भने, ‘चिकित्सकले नेता भण्डारीलाई थप उपचारको लागि भारत नै लैजाँदा राम्रो हुने भनेकाले एक घण्टाभित्रमा उहाँलाई मुम्वई लैजाने व्यवस्था गर्दैछौं । मलाई लाग्छ उहाँको सुधारमा आउछ भन्ने मलाई विश्वास छ। ’

मन्त्री गिरीले सरकारको तर्फबाट भण्डारीको उपचारमा सहयोग रहने बताए । कांग्रेस सभापति शेरबहादुर देउवा लगायत नेताहरूले अस्पतालमा पुगेर भण्डारीको स्वास्थ्य अवस्थाको जानकारी लिएका छन् ।